Jose Mourinho pretendon se Lionel Messi nuk e meriton Topin e Artë këtë sezon.

Deklarata befasuese nga trajneri portugez vjen pasi Messi dhe Barcelona u eliminuan në Ligë të Kampionëve nga Liverpooli, transmeton portali arbresh.info.

Messi shënoi dy herë në fitoren 3 me 0 të Barcelonës në Camp Nou gjatë takimit të parë, por ata u shkatërruan duke u mposhtur 4 me 0 në Angli – gjë që do të thotë se ata duhet të presin për të katërtin vit për trofeun e Ligës së Kampionëve.

Argjentinasi i ka drejtuar katalunasit drejtë triumfit në La Liga dhe mund së shpejti të siguroj edhe Kupën e Mbretit.

Ai aktualisht është i barabartë me Cristiano Ronaldon me pesë Topa të Artë – një numër rekord.

Por, Mourinho beson se dështimi në një tjetër turne evropian mund të bëjë që pritja për Topin e Artë të gjashtë të zgjas.

“Kam dyshime që e meriton Topin e Artë këtë vit sepse dështoi në Ligë të Kampionëve”, ka thënë ai për RMC.

31-vjeçari aktualisht është favorit për të marrë këtë çmim ndërkohë që me garën më të madhe përballet me mbrojtësin Virgil van Dijk të Liverpoolit./arbresh.info/